Turinning “Yuventus” klubi “Bavariya” yarimhimoyachisi Renatu Sansheshni ijaraga olishi mumkin.
Mediaset Premium xabariga ko‘ra, myunxenliklar Sansheshni sotishni rejalashtirishgan.
Germaniya chempioni “Yuventus”dan futbolchi uchun 35 million yevro so‘ramoqda. “Yuventus” esa bunga javoban futbolchini ikki yillik ijaraga olib, keyin xarid qilish taklifini yo‘llagan.
Renatu Sanshesh “Bavariya”da asosiy tarkib bo‘yicha kechgan raqobatga qarshilik ko‘rsata olmadi va klub uning transferini sotuvga qo‘ydi. Avvalroq, Sanshesh xizmatlariga “Manchester Yunayted” jamoasi ham qiziqish bildirayotgandi.
