“Bunyodkor” va “Lokomotiv” jamoalari qarma-qarshiliklari doimo qiziqarli bo‘lib kelgan.
25 iyun, yakshanba kuni oliy liga 15-turi doirasida bo‘lib o‘tadigan “Bunyodkor” – “Lokomotiv” uchrashuvi jamoalarning o‘zaro hisobdagi 19-to‘qnashuvi sifatida qayd etiladi.
Demak, shu kungacha poytaxtning ushbu ikki klubi bir-birlari bilan 18 marotaba ro‘baro‘ kelishgan. O‘zaro o‘yinlarning 8tasida “qaldirg‘ochlar”ning qo‘llari baland kelgan bo‘lsa, 5 uchrashuvda temiryo‘lchilar zafar quchishgan. Yana 5ta o‘yin esa durang natija bilan yakun topgan. To‘plar farqi – 25:19, “Bunyodkor” foydasiga.
“Bunyodkor” va “Lokomotiv” jamoalarining o‘zaro o‘yinlari to‘purari – Server Jeparov hisoblanadi. Ayni paytda “temiryo‘lchilar” sharafini himoya qilayotgan sobiq “Bunyodkor”chi “qaldirg‘ochlar” safida “Loko” darvozasini to‘rt marotaba aniq nishonga olgan.
Quyida “Bunyodkor” va “Lokomotiv” jamoalarining “qaldirg‘ochlar” mezbonligida o‘tgan o‘zaro o‘yinlari qaydnomalaridan keltirilgan ko‘chirmalar bilan tanishishingiz va kiritilgan gollarni tomosha qilishingiz mumkin.
BUNYODKOR – LOKOMOTIV 3:1
17.03.2007. 2-tur. Toshkent. MHSK stadioni. 5000 tomoshabin
Gollar: Mo‘minjonov 16 (0:1), Salomov 45+2 (1:1), Mandzukas 51 (2:1), R.G‘ofurov 80 (3:1)
Bosh hakam: Ravshan Ermatov – 8,6 (Toshkent)
BUNYODKOR – LOKOMOTIV 2:0
02.05.2008. 8-tur. Toshkent. MHSK stadioni. 3737 tomoshabin
Gollar: Soliyev 19 (1:0), Jeparov 90+2 penalti (2:0)
Bosh hakam: Vladislav Seytlin – 8,4 (Toshkent)
BUNYODKOR – LOKOMOTIV 2:1 (0:1)
24.10.2009. 27-tur. Toshkent. “Jar” stadioni. 7895 tomoshabin
Gollar: A’zamov 7 (0:1), Soliyev 62 (1:1), Rivaldo 88 penalti (2:1)
Bosh hakam: Rustam Saidov – 8,2 (Toshkent)
BUNYODKOR – LOKOMOTIV 1:0 (0:0)
16.10.2010. 23-tur. “Jar” stadioni. 5122 tomoshabin
Gol: Kapadze 52
Bosh hakam: Viktor Serazitdinov – 8,9 (Toshkent)
BUNYODKOR - LOKOMOTIV 1:1 (1:1)
22.04.2012. 5-tur. “Jar” stadioni. 4365 tomoshabin
Gollar: Rahmatullayev 3 (0:1), Kozak 16 (1:1)
Bosh hakam: Baxtiyor Namozov (Toshkent)
BUNYODKOR – LOKOMOTIV 1:1 (1:0)
04.07.2013. 13-tur. “Jar” stadioni. 4152 tomoshabin
Gollar: Pishur 45 penalti (1:0), Tojiyev 83 penalti (1:1)
Bosh hakam: Ravshan Ermatov (Toshkent)
BUNYODKOR – LOKOMOTIV 1:1 (1:0)
11.04.2014. 5-tur. “Jar” stadioni. 6250 tomoshabin
Gollar: Pishchur, 38 (1:0), Tojiyev 90 (1:1)
Bosh hakam: Hasan Ro‘ziyev (Toshkent)
BUNYODKOR – LOKOMOTIV 0:1 (0:1)
22.08.2015. 19-tur. “Bunyodkor” stadioni. 2765 tomoshabin
Gol: Sanjar Shoahmedov 15
Bosh hakam: Zokir Qodirov (Navoiy) – 8,2
BUNYODKOR – LOKOMOTIV 0:1
23.11.2016. 30-tur. “Bunyodkor” stadioni. 507 tomoshabin
Gol: Sardor Mirzayev 74
Bosh hakam: Sherzod Qosimov (Toshkent) – 8,8
