Oliy liga 15-turidan o‘rin olgan "Nasaf" - "Navbahor" (4:0) o‘yinidan so‘ng, mezbonlar bosh murabbiyi Ro‘ziqul Berdiyev o‘z fikrlarini bildirdi.

"Bugungi o‘yin qanday bo‘lganini tablodagi hisob ko‘rsatib turibdi. Bugun ko‘p vaziyatlar yaratdik. Qaysidir xolatlarda shogirdalarim shoshilishdi chog‘i, ba’zan sovuqqonlik yetishmadi. Bu ruhiyatga ham bog‘liq. Umumiy qilib aytganda, bellashuv bizning ustunligimizda o‘tdi. Biz xaqli ravishda g‘alabaga erishdik. O‘yin ikkinchi golgacha bo‘ldi. Shundan so‘ng "Navbahor"ning g‘alaba va durangga bo‘lgan ishonchi qolmadi. G‘uzor xalqiga va "Sho‘rtan" futbol klubiga katta minnatdorchilik bildiramiz. Chunki bu yerda o‘tkazgan o‘yinlarimizda barcha qulayliklar yaratib berildi. Barcha muxlislarimizni ertangi bayram bilan muborakbod etaman. Boshqa jamoalar kabi biz xali ta’tilga chiqmaymiz. Sababi, oldimizda 30 iyun kungi kubok doirasidagi o‘yin bizni kutib turibdi. Mazkur bahs yangilangan o‘yingohimizda o‘tkaziladi. Barcha muxlislarimizni bu o‘yinga chorlab qolamiz. "Nasaf" muxlislar uchun o‘ynaydi. Shuningdek "Bunyodkor"ga qarshi qoldirilgan o‘yinga ham tayyorgarlik ko‘ramiz. Bizga xali tanaffus boshlanmaydi" - dedi Berdiyev.