23-25 iyun kunlari Rossiyaning Sochi shahrida an’anaviy Karate-Do bo‘yicha bolalar o‘rtasida Xalqaro “Sochi open-2017” turniri bo‘lib o‘tdi.

Ushbu nufuzli turnirda Rossiya, Ukraina, Qozog‘iston, Belarus, Armaniston, Gruziya mamlakatlari vakillari bilan bir qatorda O‘zbekiston karatechilari ham ishtirok etishdi.

Umumiy ishtirokchilar soni 300 nafardan ortiqni tashkil qilgan mazkur musobaqada sportchilarimiz ko‘tarinki kayfiyatda harakat qilishdi.

Bahslar yakuniga ko‘ra vakillarimiz yurtimizga 9ta oltin, 9ta kumush va 11ta bronza medali bilan qaytib keldilar. Ta’kidlash kerak, umumiy hisobdagi 29ta medal terma jamoamizga jamoaviy hisobda ham birinchi o‘rinni olib keldi.

O‘zbekiston terma jamoasidan keyingi o‘rinlar mezbon Rossiya hamda Belarus Respublikasi termalariga nasib qildi.