23-25 июн кунлари Россиянинг Сочи шаҳрида анъанавий Карате-До бўйича болалар ўртасида Халқаро “Сочи опен-2017” турнири бўлиб ўтди.
Ушбу нуфузли турнирда Россия, Украина, Қозоғистон, Беларус, Арманистон, Грузия мамлакатлари вакиллари билан бир қаторда Ўзбекистон каратечилари ҳам иштирок этишди.
Умумий иштирокчилар сони 300 нафардан ортиқни ташкил қилган мазкур мусобақада спортчиларимиз кўтаринки кайфиятда ҳаракат қилишди.
Баҳслар якунига кўра вакилларимиз юртимизга 9та олтин, 9та кумуш ва 11та бронза медали билан қайтиб келдилар. Таъкидлаш керак, умумий ҳисобдаги 29та медал терма жамоамизга жамоавий ҳисобда ҳам биринчи ўринни олиб келди.
Ўзбекистон терма жамоасидан кейинги ўринлар мезбон Россия ҳамда Беларус Республикаси термаларига насиб қилди.
