«Real» prezidenti Florentino Peres jamoa hujumchisi Krishtianu Ronaldu ta’magarlik orqali jamoadan ko‘proq pul undirishga harakat qilmayotganiga ishonchi komil ekanini ta’kidlab o‘tdi.

«Ronaldu bunday yo‘l orqali yaxshiroq shartnoma imzolashga harakat qilmaydi. U 8 yildan beri «Real»da o‘ynamoqda. Bu vaqt davomida u har tomonlama namunali inson ekani bilan ajralib turdi. Shu bois, bu yolg‘on xabar. Afsuski, ba’zilar vaziyatdan foydalanib, uni jinoyatchiga chiqarishdi», — dedi Peres.

Ma’lumot o‘rnida. Ispaniya prokuraturasi Ronalduga 14,7 mln yevro soliq to‘lamaganlik aybini qo‘ydi. «Qirollik klubi»dagilar futbolchiga ushbu summani to‘lashni maslahat berishmoqda. Ammo o‘yinchining o‘zi aybsiz ekanini isbotlamoqchi. Shu bois, Ronaldu Ispaniya chempionatini tark etishga qaror qilgan.