Fransiyaning “PSJ” klubi rahbariyati kolumbiyalik futbolchini sotib olishga jiddiy kirishdi. Bu haqda “Goal.com” xabar bermoqda.
PSJ direktori Antero Enrike Xamesning agenti Jorde Mendesh bilan futbolchining “PSJ”ga o‘tish imkoniyatlarini ko‘rib chiqdi. Oldinroq Xamesga “Manchester Yunayted” qiziqayotgani haqida xabarlar chiqqandi, biroq oxirgi kunlarda “qizil iblislar” rahbariyati bu borada tashabbusni susaytirdi, oqibatda “PSJ” Xames uchun kurashda asosiy da’vogarga aylandi.
25 yoshli futbolchining “Real” bilan shartnomasi 2020 yilning yozida nihoyasiga yetadi. Yakunlangan mavsumda Xames barcha turnirlarda 33 marta maydonga tushdi va 11 ta gol urib, 13 ta golli uzatmaga mualliflik qildi.
