Франциянинг “ПСЖ” клуби раҳбарияти колумбиялик футболчини сотиб олишга жиддий киришди. Бу ҳақда “Goal.com” хабар бермоқда.
ПСЖ директори Антеро Энрике Хамеснинг агенти Жорде Мендеш билан футболчининг “ПСЖ”га ўтиш имкониятларини кўриб чиқди. Олдинроқ Хамесга “Манчестер Юнайтед” қизиқаётгани ҳақида хабарлар чиққанди, бироқ охирги кунларда “қизил иблислар” раҳбарияти бу борада ташаббусни сусайтирди, оқибатда “ПСЖ” Хамес учун курашда асосий даъвогарга айланди.
25 ёшли футболчининг “Реал” билан шартномаси 2020 йилнинг ёзида ниҳоясига етади. Якунланган мавсумда Хамес барча турнирларда 33 марта майдонга тушди ва 11 та гол уриб, 13 та голли узатмага муаллифлик қилди.
