Bugun Konfederasiyalar kubogi-2017 turniriga yakun yasaladi.

Toshkent vaqti bilan soat 17:00da Moskvadagi “Spartak-Arena” stadionida 3-o‘rin uchun Portugaliya xamda Meksika terma jamoalari bahs olib borishadi. Kechki 23:00 da esa Sankt-Peterburgdagi “Zenit-Arena” stadionida Chili xamda Germaniya termalari bosh sovrin uchun, final bahsida maydonga chiqishadi.

Rossiya Futbol Ittifoqi prezidenti Vitaliy Mutko ushbu o‘yinlar uchun sotuvga chiqarilgan chiptalar allaqachon o‘z egalarini  topganligini va qolmaganini aytib o‘tdi.

“G‘oliblar ma’lum – ular muxlislar. 600 mingga yaqin tomoshabin o‘yinlarni bevosita stadiondan kuzatib bordi. Barcha o‘yinlar ajoyib o‘tdi. Biz grand jamoalarning o‘yinlaridan lazzat oldik. Bugungi kelib, final va 3-o‘rin uchun o‘tkaziladigan o‘yin uchun chiqarilgan chiptalarning barchasi sotib bo‘lindi”, – deb aytib o‘tdi Mutko rus OAVga.

FIFA Konfederasiyalar kubogining uchinchi o‘rini uchun bahsda Portugaliya va Meksika o‘rtasidagi o‘yinda ishlaydigan hakamlar nomini e’lon qildi. Bahsni Fahad Al-Mirdasi boshchiligidagi saudiya arabistonilik hakamlar brigadasi boshqarib boradi.