«Shanxay SIPG» hujumchisi Halk o‘zini Xitoyda yaxshi his qilayotganini tan oldi.

Futbolchi o‘tgan mavsumda, «Zenit»ni tark etib, Xitoy chempionatiga yo‘l olgandi.

«Menga Xitoy juda yoqadi, bu yerda meni yaxshi qabul qilishdi. Oilam ham o‘zini baxtiyor his qilmoqda. Albatta turli mamlakatlarning madaniyati bir-biridan farq qiladi. Shu tufayli dastlab, ba’zi narsalarga hayron qolasan, ammo keyinchalik o‘rganib ketasan. Xitoyliklar ham braziliyaliklarni ko‘rib, hayron qolsa kerak. Nima ajablantirdi? Hamma joyda juda katta olomonni ko‘rmoqdaman. Xitoyda odamlar ko‘pligini bilardim, ammo bu darajada ekanini tasavvur qilolmasdim» - dedi Halk.