Millionlar o‘yini ko‘p yillik tarixga ega va bu davr mobaynida ko‘plab bir-biridan qiziq voqealar sodir bo‘lgan. Bugungi sahifamizda ana shunday hayratlanarli voqealardan ba’zilarini e’tiboringizga havola etamiz.
ENG KO‘P QIZIL KARTOCHKA
Bu boradagi rekord Paragvay chempionatida o‘rnatilgan. 1993 yilda mazkur chempionat doirasida «Sportivo Ameliano» va «General Saballero» klublari o‘rtasida bo‘lib o‘tgan matchda uchrashuv bosh hakami o‘ziga xos rekord o‘rnatgan. Ya’ni u cho‘ntagidan jami 20 marta qizil kartochka chiqarishga majbur bo‘lgan.
GOLSIZ SERIYA
Ayni damda biror-bir klubning mavsum davomida birorta gol ura olmaganini eshitsak, ajablanamiz. Ammo, buni qarangki, golsiz seriya borasida ham o‘ziga xos rekord o‘rnatilgan ekan. Ya’ni Kot’d Ivuar chempionatida ishtirok etuvchi «A. Abidjan» klubi futbolchilari 1989 yildan 1994 yilgacha raqiblar darvozalarini biror marta ham ishg‘ol eta olishmagan. Bu vaqt oralig‘ida mazkur jamoa jami 108 ta o‘yinda maydonga tushgan.
ILK QORA TANLI FUTBOLCHI
Professional futbolda ilk qora tanli futbolchi Artur Varton hisoblanadi. Gana terma jamoasining sobiq posboni hisoblangan Artur 1889 yilda Angliya Premyer ligasida ishtirok etuvchi «Roterham» klubi darvozasini qo‘riqlagan.
«OYOQYALANG O‘YNAMANG!»
Bu ma’lumot chindan ham g‘ayrioddiy. Chunki hozirda professional futbolda oyoqyalang to‘p tepishni xohlaydigan o‘yinchini topib bo‘lmasa kerak. Ammo o‘tgan asrning o‘rtalarida vaziyat biroz boshqacharoq bo‘lgan ekan. Ya’ni 1950 yilgi jahon chempionatida FIFA butsasiz, ya’ni oyoqyalang futbol o‘ynashni taqiqlagach, Hindiston terma jamoasi ortga qaytishga majbur bo‘lgan.
CHINAKAM JASORAT
