Dortmundning "Borussiya" klubi yarim himoyachisi Usmon Dembele yozda jamoani tark etish uchun qo‘ldan kelgan barcha ishni qilmoqda.
"Borussiya" sport direktori Mixael Sork futbolchi sotilmasligini aytgan bo‘lsa-da, jamoa bosh murabbiyi Tomas Tuxel iste’foga chiqqani tufayli Usmon ham boshqa jamoaga o‘tishni istamoqda.
Dortmundliklar yangi bosh murabbiyi Peter Boss fransiyalik futbolchining xizmatidan foydalanishni maqsad qilmoqda. Ammo Dembelening agenti o‘z mijozini "Bavariya" va "Barselona"ga taklif qildi, deya xabar tarqatdi Sport Bild. Faqat bitta muammo bor: Dembeleni qo‘lga kiritishni istagan klub katta mablag‘dan voz kechishiga to‘g‘ri keladi. Boisi, "Borussiya" futbolchining transferidan 90 million yevro ishlab olmoqchi.
Ma’lumot o‘rnida: Usmon Dembele o‘tgan mavsumda barcha musobaqalar doirasida 49ta o‘yinda maydonga tushib, 10ta gol urdi va 21ta golga assistentlik qildi.