«Atletiko» himoyachisi Teo Ernandes «Real»ga o‘tdi.

19 yoshli futbolchi Qirollik klubi bilan 6 yillik shartnoma imzoladi. Uning rasman tanishtirish marosimi 10 iyul kuni o‘tkaziladi.

«Real» futbolchining transferi uchun 26-30 mln yevro to‘laydi. Aslida uning tovon puli 24 mln yevroga teng. Biroq «Real» qo‘shnisi bilan yaxshi munosabatlarni saqlab qolish niyatida ko‘proq pul to‘lashga qaror qilgan.

Teo Ernandes 11 yoshidan buyon «Atletiko» tizimida tahsil olgan. U jamoaning asosiy tarkibida birorta o‘yin o‘tkazmagan.