«Manchester Siti» ustozi Xosep Gvardiola yangi mavsum haqida o‘z fikrlarini aytdi.

«Umid qilamanki, kelasi mavsum xuddi avvalgisidek yaxshi o‘tadi. Bizda ijobiy holatlar ko‘p bo‘ldi.

Odamlar mavsumni biz uchun omadsiz o‘tdi deyapti. Ammo bu avvalgi ishimga nisbatan shunday. 7 yillik faoliyatimda 6 marta chempion bo‘ldim, bundan tashqari har doim Chempionlar ligasi yarimfinalida o‘ynadim. Bu mavsumda sovrinsiz qoldim, biroq «Barsa» ham har doim yarimfinallarda o‘ynamaydi.

«Manchester Siti» — so‘nggi 5 yil davomida Chempionlar ligasida o‘ynab kelayotgan Angliyadagi yagona klub. Biz «Barselona», «Real», «Bavariya» va «Yuventus»ni quvib yetishimiz kerak, ammo bu juda qiyin ish. Bizga 10 yil kerak bo‘ladi. Biroq shunga intilaveramiz» - dedi Gvardiola.