«Real» himoyachisi Marselo hujumchi Krishtianu Ronalduning jamoani tark etishi mumkinligi haqidagi xabarlardan xavotirda emas.

Avvalroq, Ispaniya prokuraturasi «Real» yulduzini soliqlarni to‘lamaganlikda ayblagan, Ronaldu esa bu vaziyatdan norozi ekani haqida xabarlar chiqqan edi.

«Ronalduning atrofidagi vaziyat meni xavotirga solmaydi, chunki matbuotda juda ko‘p yolg‘on xabarlar yozilmoqda. Nega endi bu bizni xavotirga solishi kerak?

Ronaldu nima qilish kerakligini yaxshi biladi. Klub ham har doim biz futbolchilarning yonini olgan. Ronaldu bilan maydondan tashqarida ham munosabatlarim juda yaxshi. U dunyoning eng yaxshi futbolchisi, katta professionaldir» - dedi Marselo A Bola xabarida.