«Реал» ҳимоячиси Марсело ҳужумчи Криштиану Роналдунинг жамоани тарк этиши мумкинлиги ҳақидаги хабарлардан хавотирда эмас.
Аввалроқ, Испания прокуратураси «Реал» юлдузини солиқларни тўламаганликда айблаган, Роналду эса бу вазиятдан норози экани ҳақида хабарлар чиққан эди.
«Роналдунинг атрофидаги вазият мени хавотирга солмайди, чунки матбуотда жуда кўп ёлғон хабарлар ёзилмоқда. Нега энди бу бизни хавотирга солиши керак?
Роналду нима қилиш кераклигини яхши билади. Клуб ҳам ҳар доим биз футболчиларнинг ёнини олган. Роналду билан майдондан ташқарида ҳам муносабатларим жуда яхши. У дунёнинг энг яхши футболчиси, катта профессионалдир» - деди Марсело A Bola хабарида.
