«Бавария» бош мураббийи Венсан Компани дисквалификация сабабли ўз жамоасининг захира ўриндиғида бўла олмади. Бельгиялик мутахассис сариқ карточкалари кўпайиб кетгани учун Чемпионлар Лигаси ярим финалининг «ПСЖ»га қарши дастлабки ўйинидан четлатилган эди. Мураббий воқеалар ривожини трибунадан кузатиб борди.

Учрашув мюнхенликларнинг 4:5 ҳисобидаги мағлубияти билан якунланди.

«Ўйинни трибунадан томоша қилиш менга ёқмади. Мен Луис Энрикега (баъзида трибунада ўтиришни афзал кўришига ишора қилиб) нега у буни ўз хоҳиши билан қилишини тушунмаслигимни айтдим. Аммо жамоам характер кўрсатгани менга манзур бўлди. Бу футболни севадиганлар учун ҳақиқий ўйин бўлди», — деди Компани журналистлар билан суҳбатда.

Жавоб учрашуви келаси чоршанба куни «Альянц Арена»да бўлиб ўтади.