Япония терма жамоаси Бразилияга 1:2 ҳисобида имкониятни бой бериб, ЖЧ-2026ни тарк этди. Шу тариқа, дунё биринчилигида ОФК (Осиё футбол конфедерацияси) шарафини ҳимоя қилаётган фақатгина бир жамоа — Австралия терма жамоаси қолди.
Эслатиб ўтамиз, гуруҳ босқичида ОФК номидан Жанубий Корея, Ўзбекистон, Эрон, Саудия Арабистони ва Қатар терма жамоалари ҳам иштирок этган эди, бироқ уларнинг ҳеч бири гуруҳ босқичидан ўта олмади. Корея ва Эрон футболчилари ўз гуруҳларида учинчи ўринни эгаллашди, аммо энг яхши натижа кўрсатган 8 та учинчи ўрин эгалари қаторига кира олишмади.
