Арне Слот «Ливерпуль» бош мураббийи лавозимида қоладиган бўлди. Журналист Алекс Крукнинг маълумотларига кўра, «қизиллар» нидерландиялик мутахассисга ишонч билдиришга қарор қилишган. У кейинги мавсумда ҳам жамоани бошқаришда давом этади.
Шу билан бирга, унинг ўрнига номзод сифатида кўрилаётган Хаби Алонсо «Челси» бош мураббийи лавозимига асосий даъвогарга айланди, чунки «Ливерпуль» энди испаниялик мутахассис хизматларига қизиқиш билдирмаяпти. Ҳозирда «Ливерпуль» Англия Премьер-лигаси турнир жадвалида 34 турдан сўнг 58 очко жамғариб, тўртинчи ўринни эгаллаб турибди. Кейинги ўйинда «қизиллар» «Манчестер Юнайтед» меҳмони бўлишади.
