«Реал Мадрид» ярим ҳимоячи Орельен Тчуаменининг келажаги борасида бир қарорга келди. Франциялик футболчини «Манчестер Юнайтед» билан боғлаётган миш-мишларга қарамай, Мадрид клуби у билан хайрлашиш ниятида эмас. «Қаймоқранглилар» Тчуаменини ўз спорт лойиҳасининг муҳим қисми деб ҳисобламоқда.

Foot Mercato нашрининг хабар беришича, «Реал» 26 ёшли Тчуамени билан шартномани узайтирмоқчи. Клуб раҳбарияти франциялик ўйинчининг иш ҳақини ошириш ҳақида ўйламоқда.

Орельен Тчуамени 2022 йил ёзида «Монако»дан трансфер қилинганидан буён «Реал» шарафини ҳимоя қилиб келмоқда. Ўшандан бери ярим ҳимоячи 191 та ўйинда майдонга тушиб, ўз ҳисобига еттита гол ва саккизта голли узатмани ёздириб қўйди.