"Jar" stadionida "Paxtakor" ikkinchi davraga hozirlik ko‘rishni boshladi.
Shota Arveladze va murabbiylar shtabi boshchiligida "sherlar" tayyorgarlikni boshlashdi. Birinchi davrada asosiy tarkibda o‘ynagan deyarli barcha futbolchi va jamoa safiga yangi kelib qo‘shilgan o‘yinchilar unda ishtirok etishdi. Iskanderov yakka tartibda shug‘ullangan bo‘lsa, Andreev jarohati sababli unda qatnashmadi.
Dastlab yordamchi murabbiy Laslo Yambor mashqlari bilan qizishib olgan futbolchilar, keyin o‘yin davomida e’tibor qaratiladigan holatlar yuzasidan ter to‘kishdi. Darvozabonlar bilan turkiyalik mutaxassis Ibrohim Yilmaz shug‘ullandi.
