McDonalds rahbariyati JCH-2018 bilan bog‘liq ahloqiy muammolar sababli, FIFA bilan homiylik borasidagi hamkorlikni to‘xtatish haqida o‘ylamoqda.
Daily Mail xabariga ko‘ra, kompaniya FIFA tashkilotidagi korrupsiya mojarolari va Rossiya terma jamoasi futbolchilarining JCH-2014 musobaqasida ommaviy doping iste’mol qilgani haqidagi xabarlardan norozi. Shu tufayli tashkilot JCH-2018 musobaqasidan oldin hamkorlikni to‘xtatishi mumkin.
Forbes xabariga ko‘ra, McDonalds FIFA tashkilotiga yiliga 10-25 million dollar to‘laydi. Amaldagi shartnoma 2022 yilgacha mo‘ljallangan. Biroq, uni muddatidan oldin bekor qilish uchun McDonald's 100 mln dollar to‘lashiga to‘g‘ri keladi.
«JCH-2018 homiylari FIFA bilan hamkorlikni yo‘lga qo‘ygani uchun tez-tez asabiylashmoqda. Agar tashkilot homiylar va muxlislarning ishonchini tiklamoqchi bo‘lsa, islohotlarni o‘tkazishi lozim. Blatter FIFAni tark etib bo‘ldi, ammo uning izdoshlari hamon ishlamoqda» - dedi McDonalds bilan bog‘liq vaziyatni izohlagan madaniyat va sport bo‘yicha Buyuk Britaniya parlament qo‘mitasi rahbari Damian Kollinz.
