McDonalds раҳбарияти ЖЧ-2018 билан боғлиқ аҳлоқий муаммолар сабабли, ФИФА билан ҳомийлик борасидаги ҳамкорликни тўхтатиш ҳақида ўйламоқда.
Daily Mail хабарига кўра, компания ФИФА ташкилотидаги коррупция можаролари ва Россия терма жамоаси футболчиларининг ЖЧ-2014 мусобақасида оммавий допинг истеъмол қилгани ҳақидаги хабарлардан норози. Шу туфайли ташкилот ЖЧ-2018 мусобақасидан олдин ҳамкорликни тўхтатиши мумкин.
Forbes хабарига кўра, McDonalds ФИФА ташкилотига йилига 10-25 миллион доллар тўлайди. Амалдаги шартнома 2022 йилгача мўлжалланган. Бироқ, уни муддатидан олдин бекор қилиш учун McDonald's 100 млн доллар тўлашига тўғри келади.
«ЖЧ-2018 ҳомийлари ФИФА билан ҳамкорликни йўлга қўйгани учун тез-тез асабийлашмоқда. Агар ташкилот ҳомийлар ва мухлисларнинг ишончини тикламоқчи бўлса, ислоҳотларни ўтказиши лозим. Блаттер ФИФАни тарк этиб бўлди, аммо унинг издошлари ҳамон ишламоқда» - деди McDonalds билан боғлиқ вазиятни изоҳлаган маданият ва спорт бўйича Буюк Британия парламент қўмитаси раҳбари Дамиан Коллинз.
