Fransiya Oliy sudi tovlamachilikda ayblangan «Real» hujumchisi Karim Benzemaning jinoyat ishini Apellyasiya sudiga qaytarib yubordi.
AFP xabariga ko‘ra, bu Benzemaning sudda yutib chiqqanini anglatadi. Chunki Oliy sud futbolchiga qo‘yilgan ayblovni haqqoniyligiga shubha bildirgan va ishni qayta ko‘rib chiqilishini talab qilgan.
Benzema advokatining ta’kidlashicha, Oliy sud avvalgi qarorlarning adolatli emasligi haqida hukm chiqarmoqda, bu esa mijozining aybsiz ekanini isbotlaydi.
Eslatib o‘tamiz, 2015 yilda jinoyatchilar Matyo Valbuenaga tegishli bo‘lgan shaxsiy videoni oshkor qilish bilan tahdid solib, undan katta miqdorda pul mablag‘larini undirib olishga harakat qilgan edi. Video Benzemaning telefoniga yozilgani sababli, tergovchilar bu ishda uning aloqasi borligini gumon qilishgan va ishni sudga oshirishgan.
