Франция Олий суди товламачиликда айбланган «Реал» ҳужумчиси Карим Бенземанинг жиноят ишини Апелляция судига қайтариб юборди.

AFP хабарига кўра, бу Бенземанинг судда ютиб чиққанини англатади. Чунки Олий суд футболчига қўйилган айбловни ҳаққонийлигига шубҳа билдирган ва ишни қайта кўриб чиқилишини талаб қилган.

Бензема адвокатининг таъкидлашича, Олий суд аввалги қарорларнинг адолатли эмаслиги ҳақида ҳукм чиқармоқда, бу эса мижозининг айбсиз эканини исботлайди.

Эслатиб ўтамиз, 2015 йилда жиноятчилар Матьё Вальбуэнага тегишли бўлган шахсий видеони ошкор қилиш билан таҳдид солиб, ундан катта миқдорда пул маблағларини ундириб олишга ҳаракат қилган эди. Видео Бенземанинг телефонига ёзилгани сабабли, терговчилар бу ишда унинг алоқаси борлигини гумон қилишган ва ишни судга оширишган.