«Барселона» ўз майдонида «Реал»ни 2:0 ҳисобида мағлуб этиб, Испания чемпионига айланди. Душанба куни «кўк-анорранглилар»нинг чемпионлик паради бўлиб ўтди. Тадбир давомида каталонияликларнинг юлдуз вингери Ламин Ямал «Реал»га «пичинг» қилди.
Очиқ автобус томида турган Ямал «Барселона»нинг провокацион ёзувли футболкасини намойиш этди. Унда: «Мадридист бўлмаганим учун Худога шукур», деган сўзлар ёзилган эди.
«Барселона» Ла Лигадаги навбатдаги ўйинини чоршанба, 13 май куни ўтказади. Шу куни Ханс-Дитер Флик жамоаси сафарда «Алавес» меҳмони бўлади. Эслатиб ўтамиз, Ламин Ямал жароҳати сабабли клубдаги мавсумнинг қолган қисмини ўтказиб юбормоқда.
