Мадриднинг "Реал" клуби ҳужумчиси Винисиус Жуниор якшанба кунги "Эл-Класико"дан сўнг рақибларига нисбатан кўрсатган эҳтироми билан диққат марказига тушди.
Ўйин давомида ҳиссиётларини жиловлай олмаслиги ва рақибларига ёқмайдиган ҳаракатлари билан танилган бразилиялик футболчи, "Камп Ноу"даги баҳс вақтида "Барселона" мухлисларига "Реал"нинг Чемпионлар лигасидаги 15 та ғалабасини эслатувчи ишораларни кўрсатган эди. Бироқ финал ҳуштаги чалингач, Винисиус ўзини мутлақо бошқача тутди.
The Touchline нашрининг қайд этишича, учрашув якунланганидан сўнг Винисиус "Барселона"нинг ҳар бир футболчиси олдига бориб, уларни қўл бериб табриклаган ва самимий муносабатда бўлган.
Эслатиб ўтамиз, мазкур "Эл-Класико" натижасига кўра, "Барселона" чемпионат якунланишига уч тур қолганда муддатидан олдин Испания чемпионлигини қўлга киритди.
