Матбуотда Жозе Моуриньонинг "Реал" бош мураббийлигига қайтиши борасидаги хабарлар яна авж олмоқда. AS нашрининг душанба кунги сонида ушбу мавзуга бағишланган янги материал эълон қилинди.
Хабарда айтилишича, Моуриньо "қаймоқранглилар" ихтиёридаги ҳозирги ҳолатни таҳлил қилиб чиққан ва клуб олдига иккита талаб қўйган. Биринчидан, португалиялик мутахассис трансфер сиёсатига таъсир ўтказишни истамоқда. Моуриньо аниқ футболчилар номини танлашдан кўра, кучайтирилиши керак бўлган позициялар бўйича унинг фикри инобатга олинишини талаб қилмоқда. Унинг фикрича, "Реал" таркиби ҳозирда айрим чизиқларда мувозанатни йўқотган.
Иккинчидан, мураббий клубда ҳар бир ходим ўз вазифасини бажарадиган ва мураббийлар штаби ишига ҳеч ким аралашмайдиган қатъий тузилмани жорий этиш истагида.
Музокаралар "Бенфика" учун мавсум якунланганидан сўнг тезлашиши кутилмоқда. Айни дамда Моуриньо "бургутлар"ни Чемпионлар лигасига олиб чиқиш вазифасига диққатини қаратган. Бунинг учун жамоа сўнгги тур натижаларига кўра турнир жадвалида иккинчи ўринни сақлаб қолиши керак.
