Ayni damda jamoamiz ikkinchi davraga tayyorgarlikni davom ettirmoqda.
“Qo‘qon-1912” jamoasi iyul oyida rasmiy uchrashuv doirasida bitta, va ikkita nazorat o‘yinida ishtirok etadi. Futbolchilarimiz 28 iyul kuni O‘zbekiston kubogi chorak final javob uchrashuvi doirasida “Nasaf”ga qarshi maydonga tushishadi. Mazkur uchrashuv Qo‘qonda bo‘lib o‘tadi.
Bundan tashqari, jamoamiz a’zolari ushbu oyda “Neftchi” va “Qizilqum” klubilariga qarshi o‘rtoqlik uchrashuvini o‘tkazishadi. 16 iyul kuni vakillarimiz “Qizilqum”ga qarshi to‘p surishadi. Farg‘ona viloyat derbisi bo‘lmish – “Neftchi” bilan bo‘ladigan bahs esa 21 iyul sanasiga belgilangan.
Futbolchilarimizga ushbu uchrashuvlarda g‘alaba tilab qolamiz.
