«Real» klubi Los-Anjelesdagi mavsumoldi tayyorgarligini sarguzashtsiz o‘tkazmayapti.

Marca xabariga ko‘ra, kimdir polisiyaga qo‘ng‘iroq qilib, klub qarorgohida bomba borligi haqida aytgan. Shundan so‘ng polisiya va sapyorlar tashrif buyurib, hammayoqni ko‘zdan kechirib chiqqan va bomba yo‘qligiga ishonch hosil qilgan.

Ushbu qarorgoh Kaliforniya universitetiga tegishli bo‘lib, unda talabalarning yotoqxonalari ham mavjuddir. Polisiya tomonidan o‘tkazilgan tadbirda yotoqxonadagilar ham evakuasiya qilingan.

Ayni paytda huquq tartibot idoralari yolg‘on xabar bergan kimsani izlamoqda.