«Реал» клуби Лос-Анжелесдаги мавсумолди тайёргарлигини саргузаштсиз ўтказмаяпти.
Marca хабарига кўра, кимдир полицияга қўнғироқ қилиб, клуб қароргоҳида бомба борлиги ҳақида айтган. Шундан сўнг полиция ва сапёрлар ташриф буюриб, ҳаммаёқни кўздан кечириб чиққан ва бомба йўқлигига ишонч ҳосил қилган.
Ушбу қароргоҳ Калифорния университетига тегишли бўлиб, унда талабаларнинг ётоқхоналари ҳам мавжуддир. Полиция томонидан ўтказилган тадбирда ётоқхонадагилар ҳам эвакуация қилинган.
Айни пайтда ҳуқуқ тартибот идоралари ёлғон хабар берган кимсани изламоқда.
