Мадриднинг «Реал» клуби ярим ҳимоячи Франко Мастантуоно бўйича расмий таклиф олди.

Лондоннинг «Тоттенҳэм» клуби 18 ёшли футболчи учун 45 миллион евро тўлашга тайёр. Маълумотларга кўра, «қироллик клуби» Мастантуононинг трансфери бўйича ҳали якуний қарорга келгани йўқ. Бироқ футболчининг Мадриддаги дебют мавсуми кутилганидек самарали чиқмаётгани сабабли, «Реал» ушбу таклифни қабул қилиши мумкин.

Франко Мастантуоно жорий мавсумда «Реал» либосида жами 30 та учрашувда майдонга тушди. Ушбу баҳсларда ярим ҳимоячи ўз ҳисобига 3 та гол ва 1 та голли узатмани ёздириб қўйди.