Madridning «Real» klubi yarim himoyachi Franko Mastantuono bo‘yicha rasmiy taklif oldi.

Londonning «Tottenhem» klubi 18 yoshli futbolchi uchun 45 million yevro to‘lashga tayyor. Ma’lumotlarga ko‘ra, «qirollik klubi» Mastantuononing transferi bo‘yicha hali yakuniy qarorga kelgani yo‘q. Biroq futbolchining Madriddagi debyut mavsumi kutilganidek samarali chiqmayotgani sababli, «Real» ushbu taklifni qabul qilishi mumkin.

Franko Mastantuono joriy mavsumda «Real» libosida jami 30 ta uchrashuvda maydonga tushdi. Ushbu bahslarda yarim himoyachi o‘z hisobiga 3 ta gol va 1 ta golli uzatmani yozdirib qo‘ydi.