Миср миллий терма жамоаси директори Иброҳим Ҳассан ҳужумчи Муҳаммад Салоҳнинг жароҳати борасидаги сўнгги маълумотларни очиқлади. Унга кўра, вингер жорий мавсумнинг қолган қисмида майдонга туша олмайди.
«Футболчининг сон орқа мушаги йиртилган. Унинг тўлиқ тикланиши учун камида тўрт ҳафта вақт талаб этилади», — дея Ҳассаннинг сўзларини келтирмоқда ОАВ.
Терма жамоа расмийсининг таъкидлашича, Салоҳ «Ливерпуль» сафида бошқа ўйин ўтказмайди. У ёзда жамоани тарк этади.
Бироқ тикланиш жараёни муваффақиятли кечса, футболчи 2026 йилги жаҳон чемпионатига қадар сафга қайтади.
