Misr milliy terma jamoasi direktori Ibrohim Hassan hujumchi Muhammad Salohning jarohati borasidagi so‘nggi ma’lumotlarni ochiqladi. Unga ko‘ra, vinger joriy mavsumning qolgan qismida maydonga tusha olmaydi.
«Futbolchining son orqa mushagi yirtilgan. Uning to‘liq tiklanishi uchun kamida to‘rt hafta vaqt talab etiladi», — deya Hassanning so‘zlarini keltirmoqda OAV.
Terma jamoa rasmiysining ta’kidlashicha, Saloh «Liverpul» safida boshqa o‘yin o‘tkazmaydi. U yozda jamoani tark etadi.
Biroq tiklanish jarayoni muvaffaqiyatli kechsa, futbolchi 2026 yilgi jahon chempionatiga qadar safga qaytadi.
