O‘zbekiston U-22 terma jamoasi BAAning Al Ayn shahrida start olgan U-23 OCH saralash turnirini Livan ustidan qozonilgan g‘alaba bilan boshladi. Uchrashuvdan keyin raqib jamoa bosh murabbiyi o‘z fikrlari bilan o‘rtoqlashdi.

Kurchich Milich, Livan yoshlar terma jamoasi murabbiyi:

"Biz ushbu turnirga juda qisqa muddat davomida tayyorlandik. Ammo, shunday bo‘lsa ham harakat qildik. Birinchi taymda futbolchilarni tanimadim. Ular raqibdan qo‘rqib o‘ynashgandek taassurot qoldirdi. O‘zbekiston terma jamoasini g‘alaba bilan tabriklayman. Ular juda kuchli jamoa va buni bilgan holda tayyorgarlik ko‘rgan edik. Keyingi raqibimiz BAA va ular ham xuddi O‘zbekiston singari saviyadagi jamoa. Biz xatolardan to‘g‘ri xulosa chiqarib, keyingi o‘yinga yaxshiroq tayyorgarlik ko‘rishni istaymiz. Umid qilamanki, keyingi o‘yinda eng yaxshi o‘yinimizni ko‘rsatamiz".