«Monako» klubi hujumchi Kilian Mbappe to‘g‘risida rasmiy bayonot berdi.

«Klub afsuslar bilan shuni ma’lum qiladiki, ba’zi jamoalar Kilian Mbappe va uning vakillari bilan hech qanday ruxsatsiz aloqa qilgan.

«Monako» klubi bu harakatlarni Fransiya futbol ligasi va FIFA qoidalariga zid ekanini ma’lum qiladi. Unga ko‘ra, uzoq muddatli shartnomaga ega futbolchilar bilan klubining ruxsatisiz muzokara o‘tkazish mumkin emas.

Bunday holatga chek qo‘yish maqsadida, «Monako» qoidabuzarlar ustidan Fransiya futbol ligasi va FIFAga arz qilishni rejalashtirmoqda» - deyiladi bayonotda.

Sky Sports jurnalisti Brayan Suonson xabariga ko‘ra, bu klublar - «Manchester Siti» va «PSJ».