22-31 iyul kunlari jamoamiz ikkinchi davraga tayyorgarlikni Turkiyada davom ettiradi.
Ikkinchi davraga yaxshiroq hozirlik ko‘rish maqsadida mashg‘ulotlar Istanbulga yaqin hududda davom ettiriladi. Yig‘in mobaynida uch nazorat bellashuvi o‘tkazish ko‘zda tutilgan. 24 iyulda Ozarbayjonning "Sebail", 28 iyul kuni Saudiya Arabistonining "Al Ittifoq" va 30 iyulda Saudiyaning boshqa bir klubi "Al Rayed"ga qarshi uchrashuvlar bo‘lib o‘tadi.
Turkiyadagi yig‘inga terma jamoaga jalb etilgan Lobanov, Hoshimov, A’zamov, Kozak va Sergeev 23 iyuldan qo‘shilishadi.
Yig‘inda qatnashadigan futbolchilar ro‘yxati bilan tanishing.
Darvozabonlar - Aleksandr Lobanov, Eldor Suyunov, Botir Ergashev.
Himoyachilar - Hojiakbar Alijonov, Kamoliddin Tojiyev, Marko Simich, Xushnud Avilov, Ibrohim Yo‘ldoshev, Davron Hoshimov, Sherzod A’zamov, Jasur Ermamatov.
Yarim himoyachilar - Vladimir Kozak, Akbar Ismatullayev, Tiago Bezerra, Gidi Kanyuk, Jasur Yaxshiboyev, Jamshid Iskanderov, Sherzod Karimov, Azim Ahmedov, Suhrob Nurullayev, Jamshid Yusupov, Doston Ibrohimov.
Hujumchilar - Jasur Hakimov, Igor Sergeev, Zabixillo O‘rinboyev, Behruz Sa’dillayev.
