Bugun «Qo‘qon-1912» va «Neftchi» o‘rtasida nazorat bahsi o‘tkazildi.
O‘ziga xos derbi Toshkentdagi «Bunyodkor» akademiyasiga qarashli maydonda bo‘lib o‘tdi. 18-daqiqada “Neftchi” futbolchilari hisobni ochishdi. Farg‘onaliklar jarima to‘pini tepish huquqiga ega bo‘lishdi. Muzaffarovning zarbasi himoyachilarimizga tegib qaytdi. Qaytgan to‘p esa Alisher Shog‘ulomovning goli bilan yakunlandi. «Neftchi» futbolchilarining ketma-ket hujumlari o‘z samarasini berdi, deyish mumkin.
39-daqiqada qo‘qonliklar hisobni tenglashtirishdi. Quvondiq Ro‘ziyevning jarimadan yo‘llagan zarbasini himoyachi qaytargan edi. To‘p yana Ro‘ziyevga borib tushdi. Ro‘ziyev-Mamajonov-Rayevas kombinasiyasi esa gol bilan yakunlandi. Serbiyalik futbolchi chempionat bahsida ham farg‘onaliklar darvozasini ishg‘ol etgandi.
Birinchi bo‘lim shu hisobda nihoyasiga yetdi.
Ikkinchi taymni jamoalar ehtiyotkorlik bilan boshlagandi. 57-daqiqaga kelib darvozamiz tomon penalti belgilandi. Hakimov uni aniq amalga oshirdi — 1:2.
62-daqiqada Zaxiradan o‘yinga qo‘shilgan yana bir futbolchi Abdujamol Isroilov hisobni 1:3 ko‘rinishiga keltirdi.
Shu tariqa vodiy derbisida “Neftchi” g‘alaba qozondi.
O‘rtoqlik uchrashuvi
“Qo‘qon-1912” – “Neftchi” – 1:3 (1:1)
Gollar: Filip Rayevas (39) - Alisher Shog‘ulomov (18), Sherzod Hakimov (57 pen), Abdujamol Isroilov (62)
«Qo‘qon-1912»: 13. Nikita Ribkin, 5. Jalil Kimsanov, 6. Bahodir Akramov, 9. Nosir Otaqo‘ziyev, 10. Quvondiq Ro‘ziyev, 25. Doniyor Hasanov, 26. Akmal Xolmurodov, 55. Darko Gojkovich, 70. Azamat Mamajonov, 75. Ibrohim Rahimov, 99. Filip Rayevas.
Zaxira: 12. Aziz Ashurov, 30. Islom Abdullayev, 15. Oybek Rustamov, 28. Avazxon, Mamatxo‘jayev, 19. Muhammadanas Hasanov, 29. Iqbol Malikjonov, 20.Temur Tolipov.
«Neftchi»: O‘tkir Yusupov, Jasur Hasanov, Muhsin Ubaydullayev, Kamron Kapadze, Murod To‘ychiboyev, Bobur Davlatov, Muzaffar Muzaffarov, Abdulrahmon Abdulhaqov, Mansur Saidov, Otabek Haydarov, Alisher Shog‘ulomov.
Zaxira: Sherzod Hakimov, Abdujamol Isroilov.
