“Las-Palmas” yarim himoyachisi Kvin Prins Boateng yaqinda maydonda hushini yo‘qotib, keyinchalik o‘ta og‘ir ahvolga tushib qolgan “Ayaks” a’zosi Adbulhaq Nurini qo‘llab-quvvatlashning ajoyib usulini topdi. U yangi mavsumda Nurining raqami va ism-sharifi tushirilgan futbolkada o‘ynashga va’da berdi.
“Men butun mavsum davomida ana shu futbolkada o‘ynashga qaror qildim. Men bu bilan Nurini qo‘llab-quvvatlamoqchiman, men uning uchun iltijo qilaman”, dedi Boateng. Boatengning futbolkasi ortida Nurining raqami va ism-sharifi yozilgan, oldida esa “Sen uchun iltijo qilaman”, jumlasi bitilgan.
