Matbuotda Madridning "Real" klubi tarkibni shakllantirish bo‘yicha turli ma’lumotlar paydo bo‘lmoqda. AS nashrining xabar berishicha, Madrid klubi hujum chizig‘ida Jud Bellingem, Vinisius Junior va Kilian Mbappe xizmatlariga tayanishda davom etmoqchi. Ushbu futbolchilar klub loyihasining asosi hisoblanadi.
Qayd etilishicha, "Real" hujumkorlikni yanada oshirish maqsadida Endrik va Niko Pasni ham jamoaga qaytarishni rejalashtirmoqda. Shu bilan birga, avvalroq Vinisiusning shartnoma borasidagi muzokaralari murakkab kechayotgani sababli, u Madrid klubidagi "daxlsizlar" ro‘yxatiga kiritilmagani haqida xabarlar tarqalgan edi.
Shubhasiz, "qirollik klubi" atrofidagi transfer mish-mishlari hali davom etadi. Eslatib o‘tamiz, o‘tgan yakshanba kuni "Real" safarda "Barselona"ga 0:2 hisobida imkoniyatni boy berib, Ispaniya chempionligi uchun kurashdan chiqdi.
