23 iyul kuni "Olmaliq" Belarusning "Torpedo-BelAZ" klubiga qarshi o‘rtoqlik o‘yinini o‘tkazadi.   O‘zbekistonlik muxlislarga yaxshi tanish mutaxassis Igor Kriushenko bosh murabbiyligidagi "Torpedo-BELAZ" jamoasiga qarshi o‘tadigan nazorat o‘yini Belarusda tashkillashtirilayotgan to‘rtinchi bahs hisoblanadi.   Ayni damda raqib ustozi mamlakat bosh terma jamoasi murabbiyi hamdir. Jodino klubi rasmiy saytidagi xabarga ko‘ra Igor Kriushenko "Olmaliq" bilan o‘yindan so‘ng, klubdagi o‘rnini Andrey Zigmantovichga bo‘shatib berishini ma’lum qilgan.   Bu jamoa Belarus futbolida o‘z o‘rniga ega jamoa hisoblanadi. Joriy mavsumda "Torpedo-BELAZ" 7-o‘rinda bormoqda. O‘tgan mavsumda bu jamoa Belarus kubogi sohibiga aylangan va Yevropa Ligasi bahslarida ishtirok etgan.   Jodino shahrida o‘tadigan bu uchrashuv mahalliy vaqt bilan 17:00da boshlanadi.