«Real» hujumchisi Krishtianu Ronaldu boshqa jamoaga o‘tishni rejalashtirmayotganini aytdi.
«O‘tgan mavsumda jamoaviy va shaxsiy sovrinlarni yutib oldim, bu juda zo‘r bo‘ldi. Yangi mavsumda ham «Real» bilan shunday yutuqlarga erishmoqchiman. Yil sayin ko‘proq mehnat qilishga to‘g‘ri kelmoqda, men shunday qilyapman. Futbol – hayotim va quvonchim» dedi Ronaldu Marca xabarida.
Avvalroq, Ronaldu Ispaniya prokuraturasining soliqlardan bo‘yin tovlaganlik haqidagi ayblovi tufayli, «Real»ni tark etishi mumkinligi haqida xabarlar chiqqan edi.
