«Yuventus» hujumchisi Gonsalo Iguain hujumchi Paulo Dibalaning jamoada qolishidan umidvor ekanini aytdi.
Ayni paytda yosh iqtidor bilan "Chelsi", "Bavariya", "Real" va "Barselona" klublari qiziqmoqda.
«Hamma yaxshi futbolchilar bilan birga to‘p surishni istaydi. Biroq men Dibalaning boshiga to‘pponcha o‘qtalib, uni jamoada qolishiga majbur qilolmayman.
Har kim o‘zini baxtiyor qiladigan ish bilan shug‘ullanishi kerak. Dibala hali yosh, u bu yerda baxtiyor. Fanatlar ham uni yaxshi ko‘radi. «Yuventus» uning o‘sishi uchun sharoit yaratmoqda. Dibala «Yuve» bilan Chempionlar ligasida ham g‘alaba qozonishi mumkin» - dedi Iguain Gazzetta dello Sport xabarida.
