Ispaniya sporti Oliy kengashi mamlakat futbol federasiyasi rahbari Anxel Mariya Vilyarni lavozimidan bir yil muddatga chetlatdi.
18 iyul kuni Vilyar va uning o‘g‘li Gorka korrupsiyaga qarshi reyd yuzasidan polisiya tomonidan hibsga olingan edi. Madrid prokuraturasi mulozimni talon-tarojlik, hujjatlarni qalbakilashtirish va 45 mln yevro mablag‘ni noqonuniy o‘zlashtirganlikda gumonlamoqda.
Endi Vilyar tergov muddati tugaguncha o‘z majburiyatini bajarolmaydi. Bundan tashqari, vaziyatdan kelib chiqib, uning diskvalifikasiyasi uzaytirilishi ham mumkin.
Eslatib o‘tamiz, Anxel Mariya Vilyar 29 yildan buyon Ispaniya futbol federasiyasi rahbari bo‘lib ishlab kelayotgandi.