International Champions Cup musobaqasi doirasida «PSJ» va «Yuventus» jamoalari o‘rtasidagi o‘yin yakuniga yetdi. Ancha qiziqarli kechgan bahsda turinliklar so‘nggi daqiqada g‘alabani ilib ketishdi.

Birinchi bo‘limda kichik ustunlik Unai Emeri shogirdlari tomonida bo‘lganiga qaramay, taym so‘ngida Gonsalo Iguain hisobni ochishga muvaffaq bo‘ldi. Ikkinchi bo‘limda Gonsalu Gedesh muvozanatni tikladi.

"Yuve" safida Klaudio Markizio g‘alabaga katta hissa qo‘shdi. Dastlab u 62-daqiqada o‘z jamoasini hisobda oldinga olib chiqqandi, ammo o‘yin tugashiga 10 daqiqa qolganida Pastore hisobni tenglashtirdi. Bahs tugashiga 1 daqiqa qolganida Markizio penaltini aniq amalga oshirib, italiyaliklarga g‘alaba keltirdi.

International Champions Cup.
PSJ Fransiya – Yuventus Italiya 2:3 (0:1, 2:2)
27 iyul, 06.05, «Sun Life Stadium»
Gollar: 0:1 – 45 Iguain, 1:1 – 53 Gonsalu Gedesh, 1:2 – 62 Markizio, 2:2 – 80 Pastore, 2:3 – 89, penalti Markizio.
PSJ – Areolya (Deskam, 61), Tiago Silva (Markinyos, 46), Berchiche (Kurzava, 46), Menye (Dani Alves, 46), Kimpembe, Matyuidi (Nkunku, 46), Motta (Kallegari, 46), Lukas Moura (Gonsalu Gedesh, 46), Verratti (Lo Chelso, 46), Di Mariya (Pastore, 61), Kavani (Xese, 46).
Yuventus – Buffon (Pinsolyo, 65), Benatiya (De Shilyo, 46), Aleks Sandro (Mandragora, 46), Lixtshtayner (Asamoa, 46), Kyellini (Bardzali, 46), Kuadrado (Sturaro, 46), Xedira (Pyanich, 46), Bentankur (Rinkon, 46), Mandjukich (Kin, 46), Dibala (Kaligara, 46), Iguain (Markizio, 46).
Ogohlantirishlar: Bentankur (23), Verratti (29), Dani Alves (60).