International Champions Cup мусобақаси доирасида «ПСЖ» ва «Ювентус» жамоалари ўртасидаги ўйин якунига етди. Анча қизиқарли кечган баҳсда туринликлар сўнгги дақиқада ғалабани илиб кетишди.

Биринчи бўлимда кичик устунлик Унаи Эмери шогирдлари томонида бўлганига қарамай, тайм сўнгида Гонсало Игуаин ҳисобни очишга муваффақ бўлди. Иккинчи бўлимда Гонсалу Гедеш мувозанатни тиклади.

"Юве" сафида Клаудио Маркизио ғалабага катта ҳисса қўшди. Дастлаб у 62-дақиқада ўз жамоасини ҳисобда олдинга олиб чиққанди, аммо ўйин тугашига 10 дақиқа қолганида Пасторе ҳисобни тенглаштирди. Баҳс тугашига 1 дақиқа қолганида Маркизио пенальтини аниқ амалга ошириб, италияликларга ғалаба келтирди.

International Champions Cup.
ПСЖ Франция – Ювентус Италия 2:3 (0:1, 2:2)
27 июль, 06.05, «Sun Life Stadium»
Голлар: 0:1 – 45 Игуаин, 1:1 – 53 Гонсалу Гедеш, 1:2 – 62 Маркизио, 2:2 – 80 Пасторе, 2:3 – 89, пенальти Маркизио.
ПСЖ – Ареоля (Дескам, 61), Тиаго Силва (Маркиньос, 46), Берчиче (Курзава, 46), Менье (Дани Алвес, 46), Кимпембе, Матюиди (Нкунку, 46), Мотта (Каллегари, 46), Лукас Моура (Гонсалу Гедеш, 46), Верратти (Ло Чельсо, 46), Ди Мария (Пасторе, 61), Кавани (Хесе, 46).
Ювентус – Буффон (Пинсольо, 65), Бенатия (Де Шильо, 46), Алекс Сандро (Мандрагора, 46), Лихтштайнер (Асамоа, 46), Кьеллини (Бардзальи, 46), Куадрадо (Стураро, 46), Хедира (Пьянич, 46), Бентанкур (Ринкон, 46), Манджукич (Кин, 46), Дибала (Калигара, 46), Игуаин (Маркизио, 46).
Огоҳлантиришлар: Бентанкур (23), Верратти (29), Дани Алвес (60).