Myunxenda bo‘lib o‘tayotgan «Audi Kap» musobaqasining dastlabki yarim final uchrashuvi bo‘lib o‘tdi. Myunxendagi «Alyans-Arena» mezbonlik qilgan uchrashuvda «Atletiko» «Napoli»ni qabul qilib, 2:1 hisobida g‘alaba qozondi.

Avvaliga «Napoli» hujumchisi Arkadiush Milik penaltidan gol ura olmagan bo‘lsa, 56-daqiqada Xose Kalyexon italiyaliklarni hisobda oldinga olib chiqqandi. Ammo 72-daqiqada Fernando Torres hisobni tenglashtirdi, oradan 10 daqiqa o‘tib Lusiano Vyetto madridliklarga g‘alaba keltirgan gol muallifi bo‘ldi.

«Audi Kap» o‘rtoqlik musobaqasining ikkinchi yarim finalida «Liverpul» «Bavariya» ustidan yirik hisobda g‘alaba qozondi. Myunxendagi «Alyans-Arena» stadionida bo‘lib o‘tgan bahs qizillarning 3:0 hisobidagi ustunligi bilan yakuniga yetdi.

Birinchi bo‘limda Sadio Mane va Muhammad Saloh gol urgan bo‘lsa, bellashuvning ikkinchi bo‘limida angliyaliklar g‘alabasini zaxiradan maydonga tushgan Deniyel Starrij mustahkamlab qo‘ydi.

«Liverpul» «Audi Kap» finaliga chiqdi hamda bugun, 2 avgust kuni «Atletiko» bilan uchrashadi. «Bavariya» esa musobaqaning uchinchi o‘rni uchun «Napoli»ga qarshi maydonga tushadi.

Audi Cup, yarim final
Atletiko Ispaniya – Napoli Italiya 2:1 (0:0, 2:1)
1 avgusta, 20.45
Gollar: 0:1 – 56 Kalyexon, 1:1 – 73 Torres, 2:1 – 81 Vyetto.
Atletiko – Oblak, Xuanfran (Vrsalko, 76), Godin, Filipe Luis (Ximenes, 76), Savich (Kranevitter, 77), Gabi (Vyetto, 74), Koke, Gaytan (Parti, 64), Ferreyra Karrasko, Torres (Korrea, 75), Grizmann (Lyuka Ernandes, 78).
Napoli – Reyna, Albiol (Kulibali, 66), Gulyam (Mariu Ruy, 74), Kirikesh (Maksimovich, 74), Xyusay (Madjo, 74), Gamshik (Rog, 64), Kalyexon (Jakkerini, 74), Insinye (Una, 65), Allan (Zelinski, 65), Jorjinyo (Diavara, 74), Milik (Mertens, 63).
Ogohlantirishlar: Savich (38), Jorjinyo (59), Rog (64), Godin (84), Kulibali (86).
Chetlatish: Godin (90).

Bavariya Germaniya – Liverpul Angliya 0:3 (0:2, 0:1)
1 avgusta, 23.30
Gollar: 0:1 – 7 Mane, 0:2 – 34 Saloh, 0:3 – 83 Starrij.
Bavariya – Ulrayx, Rafinya, Xummels, Martines, Alaba (Fridl, 79), Riberi, Alkantara (Sanshesh, 21), Xames (Koman, 62), Tolisso (Vidal, 74), Myuller, Levandovski.
Liverpul – Karius, Lovren, Matip (Klavan, 67), Moreno, Aleksander-Arnold (Flanagan, 79), Xenderson (Starrij, 68; Solanke, 86), Koutinyo (Vudbern, 79), Firmino (Kent, 67), Saloh (Gruyich, 67), Jan (Veynaldum, 46), Mane (Lallana, 46).
Ogohlantirishlar: Sanshesh (50), Vidal (88), Lallana (88).