Мюнхенда бўлиб ўтаётган «Ауди Кап» мусобақасининг дастлабки ярим финал учрашуви бўлиб ўтди. Мюнхендаги «Альянц-Арена» мезбонлик қилган учрашувда «Атлетико» «Наполи»ни қабул қилиб, 2:1 ҳисобида ғалаба қозонди.

Аввалига «Наполи» ҳужумчиси Аркадиуш Милик пенальтидан гол ура олмаган бўлса, 56-дақиқада Хосе Кальехон италияликларни ҳисобда олдинга олиб чиққанди. Аммо 72-дақиқада Фернандо Торрес ҳисобни тенглаштирди, орадан 10 дақиқа ўтиб Лусиано Вьетто мадридликларга ғалаба келтирган гол муаллифи бўлди.

«Ауди Кап» ўртоқлик мусобақасининг иккинчи ярим финалида «Ливерпуль» «Бавария» устидан йирик ҳисобда ғалаба қозонди. Мюнхендаги «Альянц-Арена» стадионида бўлиб ўтган баҳс қизилларнинг 3:0 ҳисобидаги устунлиги билан якунига етди.

Биринчи бўлимда Садио Мане ва Муҳаммад Салоҳ гол урган бўлса, беллашувнинг иккинчи бўлимида англияликлар ғалабасини захирадан майдонга тушган Дэниел Старриж мустаҳкамлаб қўйди.

«Ливерпуль» «Ауди Кап» финалига чиқди ҳамда бугун, 2 август куни «Атлетико» билан учрашади. «Бавария» эса мусобақанинг учинчи ўрни учун «Наполи»га қарши майдонга тушади.

Audi Cup, ярим финал
Атлетико Испания – Наполи Италия 2:1 (0:0, 2:1)
1 августа, 20.45
Голлар: 0:1 – 56 Кальехон, 1:1 – 73 Торрес, 2:1 – 81 Вьетто.
Атлетико – Облак, Хуанфран (Врсалько, 76), Годин, Филипе Луис (Хименес, 76), Савич (Краневиттер, 77), Габи (Вьетто, 74), Коке, Гайтан (Парти, 64), Феррейра Карраско, Торрес (Корреа, 75), Гризманн (Люка Эрнандес, 78).
Наполи – Рейна, Альбиоль (Кулибали, 66), Гулям (Мариу Руй, 74), Кирикеш (Максимович, 74), Хюсай (Маджо, 74), Гамшик (Рог, 64), Кальехон (Жаккерини, 74), Инсинье (Уна, 65), Аллан (Зелиньски, 65), Жоржиньо (Диавара, 74), Милик (Мертенс, 63).
Огоҳлантиришлар: Савич (38), Жоржиньо (59), Рог (64), Годин (84), Кулибали (86).
Четлатиш: Годин (90).

Бавария Германия – Ливерпуль Англия 0:3 (0:2, 0:1)
1 августа, 23.30
Голлар: 0:1 – 7 Мане, 0:2 – 34 Салоҳ, 0:3 – 83 Старриж.
Бавария – Ульрайх, Рафинья, Хуммельс, Мартинес, Алаба (Фридль, 79), Рибери, Алькантара (Саншеш, 21), Хамес (Коман, 62), Толиссо (Видаль, 74), Мюллер, Левандовски.
Ливерпуль – Кариус, Ловрен, Матип (Клаван, 67), Морено, Александер-Арнолд (Фланаган, 79), Хендерсон (Старриж, 68; Соланке, 86), Коутиньо (Вудберн, 79), Фирмино (Кент, 67), Салоҳ (Груйич, 67), Жан (Вейналдум, 46), Мане (Лаллана, 46).
Огоҳлантиришлар: Саншеш (50), Видаль (88), Лаллана (88).