Futzal bo‘yicha O‘zbekiston terma jamoasi 5–6 avgust kunlari Tojikiston termasiga qarshi ikkita o‘rtoqlik uchrashuvi o‘tkazadi.

O‘rtoqlik o‘yinlari Tojikistonning Xo‘jand shahrida bo‘lib o‘tadi.

Quyida terma jamoamiz bosh murabbiyi Bahodir Ahmedov Tojikistonga olib ketgan o‘yinchilar ro‘yxatini keltirib o‘tamiz.

O‘zbekiston terma jamoasining Tojikistonga yo‘l olgan tarkibi:

Darvozabonlar: Rustam Umarov, Akmal Xazratqulov.

O‘yinchilar: Feruz Faxriddinov, Alisher Ibragimov, Timur Berdiyev, Anasxon Rahmatov, Ilhom Xamroyev, Mashrab Odilov, Timur Sadirov, Akbar Usmonov, Islom Biturayev, Ixtiyor Ropiyev, Xushnur Erkinov, Alan Aminov, Husniddin Nishonov, Botir Rizayev.

Terma jamoamiz ayni paytda Tojikistonga yo‘l olgan.

Bo‘lajak o‘yinlar O‘zbekiston futzal termasi uchun Turkmaniston poytaxti Ashxobod shahrida yopiq inshootlarda bo‘lib o‘tadigan 2017 yilgi Osiyo o‘yinlariga tayyorgarlik vazifasini o‘taydi.

Ma’lumot uchun, Ashxoboddagi Osiyo o‘yinlari shu yilning 17–27 sentyabr kunlari o‘tkaziladi.